നീ ഒറ്റയ്ക്ക് പറക്കുന്ന പക്ഷി,

നീ  ഒറ്റയ്ക്ക് പറക്കുന്ന പക്ഷി

നിന്റെ മൌന മുദ്രിതമാകും ,നിമിഷങ്ങളെ ന്നെ
പിടിച്ചണയ്കുന്നു നിന്നിലെക്കെന്നെ .
നിന്റെ മുഖത്തൊരു പുഞ്ചിരി പൂവിടരുന്നത്
കാണാൻ കൊതിച്ചു കണ്ണിമ ക്കാതെ ഞാൻ.

ഒരു വരിയെങ്കിലും മൊഴിയുമെന്നോർത്തു
ദൂരത്തു നില്ക്കുന്നു ഞാൻ  മൌനമായി .
നീ  ഒറ്റയ്ക്ക് പറക്കുന്ന പക്ഷി,ഞാനോ
പിന്നിലൂടതിനെ പിടിക്കുവാൻ വെമ്പുന്നു.

അടുത്തണയുമ്പോൾ ,അരികെല്തിയെന്നോർത്തു
 ത്സഹമോടരുകിലെത്തുമ്പോൾ
പോകുന്നു പിന്നെയും പറന്നു പോകുന്നു നീ -
ദൂരങ്ങളിലേകാ ന്തമായി.

എനിക്കിഷ്ടമാണി പിടിതരാ പറവയെ -
പിടിക്കാൻ കൊതിക്കുന്നു പിന്നെയും.
ഇതിലൊരു രസമുണ്ട് ,കൌതുകമുണ്ട്
നിന്നെ പിടിക്കലെനിക്കൊരുത്സവമായി.

ഇല്ല പിന്നാലെ പോകുന്നില്ല  ഞാൻ-
ഇനി
നീ  തന്നെയെൻ നികുഞ്ജത്തിലേക്കു
വരുമെന്നറിയുന്നു ഞാൻ..

നീ  ഒറ്റയ്ക്ക് പറക്കുന്ന പക്ഷി,ഞാനോ

പിന്നിലൂടതിനെ പിടിക്കുവാൻ വെമ്പുന്നു.